بيت الأدباء والشعراء

* نصّ باللهجة العامّية التونسية* 🌹محلاها تونسنا..🌹

* نصّ باللهجة العامّية التونسية*
🌹محلاها تونسنا..🌹
محلاها لبستنا..أصالتنا..
محلاها لهجتنا..أُكلتنا..حومتنا وجارتنا..
محلاها عِشرتنا..محبّتنا..قدّتنا ورِتبتنا..
محلاها لمّتنا..وتحت الياسمينة قعدتنا..وقت تحضّر أمّي عالكانون قهوتنا..
محلاه ورد جنينتنا..محلاها زنقتنا..كيف تتبسّم الصّباح جارتنا..نقُلّها ” صباح الخير”..
تقُلّي ” نهارك زين يا نوّارة حومتنا..”
محلاه عطّار زنقتنا..معنقر الكبّوس..على قرنو مشموم..يغنّي ” حبيبتنا وجارتنا..تسكن في حومتنا..” محلاه صوت الآذان في صمعتنا..
محلاها دنيتنا..تُراثنا..محلاها خُمستنا..عناجنا..خُلخالنا..جِبّتناومليتنا..
ومشموم الفلّ..ريحتو ماليا دنيتنا..
محلاه هوانا..شمسنا..بحرنا..وخُضرتنا..
محلاه علمنا..حُمرتو..هلالو..نجمتو..
يرفرف في دنيتنا..
محلاه عشقنا..محبّتنا..عشرتنا..دنيتنا..
محلاها تونسنا…
—–*—–*—–*—–*—–*—–*—–*—–
بقلمي زبيدة البوّاب مرزوق
* تونسية وأفتخر*

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق