مهما يكون عيش

مهما يكون عيش

مهما تشوف ف الدنيا هموم ..
وتغيب شمسك وسط غيوم ..
مهما دموعك تسكن عينك ..
خلِى قُصادك حلم سنينك ..
عافر أكتر .. ومتيأسش ….

مهما تحس ف غناك مسجون ..
مهما يقولوا عليك مجنون ..
مهما يحاولوا يقصوا جناحك ..
لو بيضيق الكون ، وبراحك ..
اصرخ أكتر .. ومتسكتش ….

مهما القسوة تزيد حواليك ..
وتشوف غدر الناس بعينيك ..
واللى ف يوم تفتكره حبيبك ..
يجرح قلبك أوى و يسيبك ..
اعشق أكتر .. و متكرهش …

مهما الفجر هيبقى بعيد ..
وتكون وسط الزحمه وحيد ..
مهما الحزن يدارى حروفك ..
سيب أحلامك تهزم خوفك ..
عيشها بقلب جرئ .. متمُوتش
خالد المنصوري/مصر
30/1/2020