بيت الأدباء والشعراء

دنجوان

دنجوان !!!
بقلمى

دنجوان وماسك فى ايده كمان
وساحر قلوب العذارى
وقلبه بينبض حنان
دنجوان
تملى بيعزف بحلو الكلام
مسبل عيونه يا ناس ع الدوام
وماسك بإيده ورود المحبة
وعاشق لثومه
يردد كلامها وكله هيام
ولو شاف جميله يغازلها فورا
ويسهر يناجى نجوم الغرام
ويحلف بأنه عاشق جمالها
وسهران ليالى ما عارف ينام
دنجوان
وماسك بإيده تملى كمان
بيحلف بإنه فى حبه أمين
وأن المحبة بنبض الوتين
وأنه ف كلامه صادق رزين
ولا عمره يكدب على واحده ابدا
ولو كانوا ميه بيطلب كمان
ما هو قلبه واسع وكله غرام
دنجوان
يا عاشق جمال العذارى
وفاتن قلوب الحيارى
وعايش حياتك غرام
وتايه فى دنيا الهيام
ولا يوم تحس بأنك جبان
وعايش حياتك كما الألعبان
ولا يوم بتسمع نصيحة إمام
ولا مرة تبت لرب الأنام
هقولك نصيحة صريحة مريحة
ولو فيها بعض الإمتهان
دى سكة مريبة خطيرة
أخرها الندامة وذل وهوان
حافظ على عرض غيرك
بشهامة ومروءة
يسدد طريقك رب الأنام
والزم سبيل الهداية
تحوز الرضى والأمان
وأوعى فى يوم تغامر
وتعزف بلحن وكمان
وتشغل قلوب العذارى
بكدب وهيام
ولو حد سألك تقول
دنجوان !!!
وحاذر يا صاحبى
دى سكة آخرها هوان
وكما تدين تدان

بقلمى
أيمن أبو الدنيا

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: