بيت الأدباء والشعراء

قالوا عليه فوزي حشيش

قالوا عليه
فوزي حشيش
0025/28/01/20/:!؟
========
قالوا عليه غدار
قالوا ما ليه آرار
قالوا ميته نار
قالوا فك شعره ودار
قالوا ما ليه عنوان دار
ودارة بالف باب
زي ثعلب مكار
وهو في الدنيا تايه
مضروب على دماغه
محتار
بيبصوا عليه من ظهره
ومن شعورهم بالذنب
ما يقدروا يواجهوه
العين في العين
ولا يبصوا في وشه
وهو مش حاسس بيهم
ماهو في دنيته ومشاكله
مشغول ومحتار
اصل اللي ايده في ميه
ما زي اللي ايده في نار
وقت لنفسه مش لاقي
لا عنده وقت لحبيب
يقعد ويتلاقي
بابه بيخبط….. . الحق
وتليفونه بيرن… الحق
والمركب ترن….. الحق
ونسي أكله عالنار اتحرق
ونسي موبايل عالمكتب اتسرق
ماهو باله مش رايق
ولنفسه مش فايق
ماهو فيه ناس بس بتاخد
وناس بس بتدي
ومن الناس كلمه حلوه
ما بياخد
وما تزعل مني يالي بحبك
انا بس مش رايق
ولا تقول عليه
غدار
ولاما ليه آرار
ولا ميته نار
ولا فك شعره ودار
ولا ما ليه عنوان دار
ولا دارة بالف باب
زي ثعلب مكار
هو بس في الدنيا تايه
مضروب على دماغه
محتار
الدنيا واخداه
حبه في الجنه
وكتير عايش في نار
ماتزعل
بكره الدنيا تروق
ويرجعله باله اللي مسروق
وكل دروبي ليك تسوق
ولسه بيقولوا

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: