بيت الأدباء والشعراء

شعر غنائى .. (( دلينى ع العنوان ))

شعر غنائى ..
(( دلينى ع العنوان ))
دلينى ع العنوان ونا أجيلك .. على جناح السرعه أطلب إيدك ..

طلباتك أوامر يا عنيا .. بحبك قوى و بأريدك ..

يا عبير الورد يا عيونى .. ع الجمال و الذوق حسدونى ..

بحرك و شطك شبكونى .. قلبى و مفتاحه ف إيدك ..

دلينى ع العنوان ..

من أول مقابله أنا حبيتك .. و فرح فؤادى و إتهنى ..

و الروح دابت ف هواكى .. و العين نظرت للجنه ..

و كل مناها و منايا .. تكونى سترى و غطايا ..

و على خدك دمعى و أسايا .. و على إيديكى نقش الحنه ..

دلينى ع العنوان ..

لو طريقك مليان شوك .. و الخطوه بألف ميل ..

لأضحى بعمرى و أمشى .. و ألغى كلمة مستحيل ..

لأجل م أوصل يا نور العين .. و أقدم الورد و الياسمين ..

و الإسوره مع الدبلتين .. و العنوان له ألف دليل ..

دلينى ع العنوان ..

بقلم الشاعر ..
محمد البريمى ..

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق