زماااااااان ..!! —————د خيرى السلكاوى

زماااااااان ..!!
—————د خيرى السلكاوى
..
احكيلنا ياإنسان
ليه الزمن مابقاش
يشبه زمنا زمان
الست كات تلبس
شابونيز ومحتشمة
وتمشى ع الكورنيش
مشيتها مرتسمة
ولا عمر طالها طيش
من شاب او نسمة
ماتقولشى جندى ف جيش
متحصنة بعصمة
والحب كان موجود
والحظ والقسمة
احكيلنا يا شاعر
شاعر بإيه دلوقت
ولسة فينا الامل
ولا خلاص الوقت
عدى وساب بيتنا
بيتنا اللى كان يجمع
ايام زمان داوود
ساكن معاه حنا
ومعاه كمان محمود
لاعمر حد اتقتل
منهم عشان دينه
ولا عمر حبل اتفتل
علشان وصال بينهم
بدقون شيوخ دينهم
بالحضن او بالبوووس
بين شيخ ومنقريوس
كان الوطن حبلهم
وازاى يعيش همهم
والحب كان حلمهم
ومصر كات امهم
مش محتاجين تمثيل
والفن فن اصيل
واللى معاه بيشيل
واللى مكنش معاه
كات عفته قنديل
والاكل لو كان حلو
كل الجيران يدوقوه
والواد مطيع لأبوه
احكيلنا يامدحت
احكيلنا ياانسان
علشان اخوك خيرى
حزين ومش بيبان
شايل زعل مكتوم
واللوم مالوهشى لزوم
عايزين نغيرها
بالفعل مش باللوم
احكيلناعن بحرى
والزنقة والقلعة
والشاطبى واللبان
يمكن مع حكايتك
يظهرلنا ويبان
ايه اللى غيرنا
وازاى نعود لزمان
..