بيت الأدباء والشعراء

شهد مكرر

شهد مكرر

حته سكر .. شهد مكرر
لولي ومرمر الله أكبر
أول نظرة كانت ليا
خطفت قلبي البنت الشقيۃ

شهد مكرر .. صعب تكرر
تضحك كل الدنيا تكركر
تزعل يبقا الشهد ممرر
تفرح كل الدنيا تخضرر

شهد مكرر .. أه ووحشاني
مهما تغيب ساكنة في وجداني
واما تروح تدبل اغصاني
ما انا مسحور بيها وساكناني

شهد مكرر .. بنت الأيه
خطفت قلبي ولعبت بيه
لا بشقاوتها بتهدى عليه
ولا برقتها تحن عليه

شهد مكرر .. بس حاببها
لوعشقتني عمري ما اسيبها
وازاي اسيبها وانا اللي كاتبها
بحروف جوه النبض صاببها

شهد مكرر .. دوبت يا ناس
فيها بحور حب واحساس
ليها بريق أغلى من الماس
ماهي في عينيها قمر وناس

شهد مكرر .. ومفيش منها
بنت شقيۃ واسألو عنها
سبحان اللي ابدع خلقها
ملاك ما اجمل تصورها

نفسي أشوفك أسعد منا
نفسي الأرض تكونلك جنه
نفسي الفرح يدق أبوابك
وقت مايجي الحزن يزورنا

وإن كان حتما عينك تدمع
نقسم كل الدمع ما بيننا
بدعي ف عيدك ربي يسعدك
حب سعاده وهنا
يلا نطفي أول شمعه
ونغنيها أحسن غنوه

حته سكر .. شهد مكرر
لولي ومرمر الله أكبر
أول نظرة كانت ليا
خطفت قلبي الحوريا
خالد المنصوري

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق