ياعم اللسان ارحمني

ياعم اللسان أرحمني
من كتر ألفاظك
النار بتحسب عليك
حتى همهماتك
ليه بتتمني هلاكي
بسوء كلماتك
تغتاب ليه الغير
فى كل أوقاتك
العين تشوف الغلط
تتمني سكاتك
وانت النميمه مسكاك
مبسوط بحركاتك
لف ودوران وكذب
وكفايه همزاتك
الصمت فيه النجاة
وأنشر سلامك
خليك مع الغفران
كتر فى حسناتك
أذكر الناس بالخير
وأهديهم أبتساماتك
البسمه تسعد قلوب
وصدقة فى حياتك
يرضي عليك ربك
وتلاقي جناتك
تستقبلك بسرور
من ذكر قرآنك
وتنجي الجسد وياك
أتق الله قبل وفاتك
(((أسامه جديانه)))