Uncategorized

قصيده من اجمل ماقرأت واوقع واسهل

قصيده من اجمل ماقرأت واوقع واسهل
علي صفحات التواصل
انا غلبان
مواطن رتبتى انسان
بشيل الهم فوق راسى
ومش راسى لبر امان
وبدفن كلمتى ف جوفى
وابات ســــهــــــران
ومش هشكى ولا هحكى
ولو هبكى هكون غلطان
مفيش فايدة من الخايلة
مدام مش هعدل المايلة
ولو شايلة البلد قطران
ملــــــــيش دعوة……
ما انا غلبان………..
لا انا وطنى ولا اخوان
ولا بعرف فلان هربان
ولا عمرى اشتريت جرنان
ولو ضربوا السودان هسكت
واخلينى كدة ف حالى …
وانا مالى….؟
متعمر مالطة او تخرب
هغير ايه…….؟
دى حتى الكوسة دلوقتى
بألف جنيه..ومش لاقى..!!
ولو هلقى .. رح القى سراب
هرد الباب على نفسى
واكمل نوم……….!!
وهسكن اوضة فى البدروم
ومش طالع
لحد ما اكمل المعلوم…
واشوف واحد يوظفنى
واعيش مستور…!!
ومش عايز بيوت وقصور
ولا بحلم اكون غندور..
وعمرى ما اثور……؟
ولو قالو تطفوا النور
هطفى النور….!!
واعيش زى اللى عاشو زمان
ما انا غلبان…..!!
لا انا وطنى .. ولا اخوان
ومش زعلان…..
ومش زعلان من الفوضى
وم الاســــــــــــــعار
وغول امريكا لو كشر
هتبقى دمار
ونبقى خسرنا معونتهم
بكــــــــــام مليار…..
ومش زعلان كمان م الجار
ولا التجار……..
ولو غلوا السولار هرضى
واجيب بنزين
ولو غلوا كمان لاتنين
هروح على شغلى بحمار
ومش هسمع كلام ثوار
ولا استنى
ولو ذنوا على ودانة
وقالوا بلدنا مسروقة
وخيرها يبقى علشانه
هقول التيتة ف النانا
واغنى كمان كمنننا
ما انا ملحقتش اتهنى
عشان اتهان
وزى ما قلت فى الاول
انا غلــــــــــــــــــبان
لا انا وطنى ولا اخوان
نهايته ………..؟
هكتم الاهة
وهتكتم دمعتى معاها
وهدعى ع اللى خلانى
ابات زعلان..يكون غلبان
لاهو وطنى ولا اخوان
——————————–
الشاعر هاني دويك

مقالات ذات صلة