بيت الأدباء والشعراء
{عـشان انـتـى اُمـى!!}
***************
عشانك بهية ومهدك حضارة
وارضك منـاره لكـل الانـام
خسارة يعكّر سماكى اللـئـام
بصوت, أو اشاره
جنودك عوافى عرقهم معطّر,
وبوحهم:جسـاره
**
وعشـانك ابيًه وفاهمه وذكيه
وكل المداين حماها ف اديكى
بفكًر واحاذر وبقـلـق عـليكى
لأنـك غـنيّـه بنسلك واصلـك
بـسيفك ونصلك
بصيحة ولاد لسًه فيهم عفيًه
**
لقيتنى ببادر وبكتب وصيّه
وبكتم نزيف الالم ,والامانى
وانسى بأنى كبرت..وبعانى
بجاهر بحبك وبفخر باسمك
وبحكى بلغاكى
***
ماهـو انتى اللى ساكـنه ف
حلمى وعنيّه وتملّى,جميله
اصيله وبصونـك بـروحى
ودمًى فداكى
وبرمح وراكى تملًى وافكًر,,
واخاف لـو يهـيـنـك غبى م
اللى راحوا يتاجـروا بدينك
ح الملم شبابك وح اضرب
بعزم وغضب لو يحاولـوا
يـمسّــوا عـريـنـك!!
************
الشاعر/أحمد عفيفى
من ديوانى-ح تصدقى؟-
