بيت الأدباء والشعراء

مَأساة ناقِد محمد البنا

مَأساة ناقِد محمد البنا

……….

على فين ؟!

السكة طريقين قدامك

بس أنت متبّت ف مكانك

مش عارف راح تمشي منين

وبتسأل نفسك / أحلامك./ أوهامك

مش لاقي إجابة.. ع السكة الصح

والصبح أهو جالك

ليه ساكن بالك..أحلام الليل!

ليه خايف الشمس؟

ليه حاسس أمس

بيدفّي برودة أطرافك

وإمبارح..كان عدّى وفات

ولا شافك!!

وإن شافك كان غيّر إيه؟!

أصحابك..لساهم أصحابك

واحبابك..النور

صوّرهم ليك…شياطين!!

وجنابك..مسرور ؟..مش عارف ؟

وتملّي بتسأل أحزانك

ليه عاشقة العين ؟!

أفكارك..

والنجم اللي مخلّي مدارك

حلزون!!

ليه دايمًا شايف أسرارك

ف شفايف الناس

تنداس..

بين ضحكة وضحكة؟!.. وتهون

مجنون ..أو عاقل..مش عارف !

ويوماتي تطل على مرايتك

فتشوف اتنين!!

فتنط الضحكة على شفافك

يضحكلك واحد..والتاني حزين

تستغرب.. مين فيهم إنت ؟!!

يضحكوا الاتنين

فتزم شفايفك م الدهشة

وتلملم طراطيش باقيالك

وبتمسك قلمك وكتابك

وسؤال بيدوّي ف سراديبك

أنا….مين ؟!!!!

****************

معاناة ناقد علي البدر

………

يخوية يمحمد

بتحزن ليه والدنيه كِده

حَجر في الطريق

وفي العشب شَرار

والقلوب يِسعَر فيها النار

أذكِّرك يخويه.. قابيل

قتل أخوه وهمه إثنين

وأبوهم نبي وأمهم حوا

وبينهم كره وشر ونار

هيّه دي الحكاية

مَعليش يَخويه..

ما تخافش م الشمس

وغُربة امس

هوَّه ابليس مات

والزمن لسه مفات؟

وان كان اصحابك

تتصوَّر شياطين

إنت يخويه لينه مَلاك

واحنَه اصحابك

إحنه احبابك

في الدنيا حبيبي

بنحمي مَدارك

وعهدٌ مِننا

للعُمر انصون

والشدة تهون

وفي القلب إنتَ

وكل اسرارك..

لا انت…

ولا أنا..

ولا اصحابك،

بالزمن نِنداس

ويهزأ بينا الناس

ياساتر!

أيه دِ الوسواس

دمعة بتنشف

من عين بتنزف

ليكْ يمحمد وانتَ

أيوَه إنت..وسط العين

تغفه وتنام..

العمر جميل

وانت فيه وكل احبابك

يخويه يمحمد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق