قالتلي لا بحبك و لا عايزاك

قالتلي
لا بحبك و لا عايزاك
لكن أموت يا روحي
لو غاب عني هواك

قلتلها حاسس أنا باللي فيك
و أوعدك قلبي ما يسيبك
واطفي بنار حبي لهيبك

حتى الفراق بينا مستحيل
إن جافاني قلبك
لقلبك قلبي يميل

صدقيني مهما تقولي
ولا تغيبي
ابدأ ياروحي عن روحي
ما بتغيبي

فراق إيه و خصام ليه
هو إللي بينا كان سهل
ولا الحب سهل نلاقيه

يعني بعد سنين طويله
الاقي مرسى و جنة جميله
أرحل عنها و أغيب
معقوله أسيب روحي عليله

قولي مهما تقولي
قولي مش بحبك
قولي كرهت قلبك
لكن فراق مش هاطولي

نبضك عارفُه يناديني
و حضنك و حده يكفني
و رمشك زي السما يغطيني
والعيون دول وحدهم يسلمولي
يسلمولي

حسن سعيد إبراهيم
#نبض 💓 #يكتبه ✏️
جمهورية مصر العربيه