بيت الأدباء والشعراء

جوايا طفل

جوايا طفل

لسه جوايا طفل صغير ..
لا بيهدا ولا بيرتاح ..
متعفرت ليه ويحير ..
وأصبح فى الكون سواح ..

ده نهاره وليله صريخه ..
بيصحّى فيـا حاجات ..
منا عارفه منذ تاريخه ..
دايما له ساعات وساعات ..

مزعج غاوى الإزعاج ..
ولا عارف اعيش على أرضه ..
يسبح ضد الأمواج ..
وبيزعل لما بعارضه ..

ده بسببه بقيت فنان ..
بحالات لكنّى حنون ..
وشافونى الناس حيران ..
منحونى لقب مجنون ..

بحلم وحلمي جميل وجرئ
متشبكة أيدي لكني زى الطير
فارد جناحتي وسري خطير
جوايا الأمل يحبي ، والقلب طفل برئ
منا جوايا طفل صغير ..لا بيهدا ولا بيرتاح ..

خالدالمنصوري/مصر
6/1/2020

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: