بيت الأدباء والشعراء
#ماتحرمنيش
#ماتحرمنيش
بعد ما كنت روحي
بلسم جروحي
فِكرك خلاص
سهل إني
يوم كأني
ما قبلتكش
لا لا طبعا
لو قولتها أنا
ماتصدقش
لسه هنا ليك مكان
مهما مر من الزمان
لسه بشتاق
للخلاف
للعناق
حتى للخصام
يا روحي معاك
لسه عايش فيا همسك
لسه بينادي قلبي أسمك
لسه بيني و بين
روحي باعتبك
لسه كمان راسمه
على جدران جفوني
حروف نبضك
لسه في سكوتي
بنصت لهمسك
انت مهما عني تغيب
مش بتغيب
ولا بتوحشني
لانك هنا يا روحي ساكني
كفايه إني
لما بشرد ألاقي
آخرة الطريق حضنك
حتى في خيالي
مانت خيالي
وأنت إللي شاغل بالي
و موالي
فاكر
كنت زمان تقولهالي
مابتوحشينيش
لأنك هنا جوايا
وعني ما غبتيش
فا متصدقيش
إن يوم قُلتلك
غيبي ولا تجيش
ياللي بَحبك
و بُحبِك بس بعيش
ياريت ياروحي
من ذكرياتك
ماتحرمنيش
ماتحرمنيش
حسن سعيد ابراهيم
#نبض 💓 #يكتبه ✏️
