بيت الأدباء والشعراء

سنه منوره خواطر رجائية

سنه منوره
خواطر رجائية
نفسي في سنه منوره،،الفرحه
فيها معطره
والناس تمشي متغندره،،وفي الفم حته سكره
بس ياتري اجيبها منين،،وانا شايف حزن دفين
والناس تردد جيم وسين،والهم مفروش انين
واحنا ندور مع السنين
،،،نفسي في سنه منوره
تعالي يااخي شوف حالي،، انا صابر بقول موالي
ياريت زماني يحلالي،،بس الكل يقول أنا مالي
نفسي في سنه منوره
شايف ارهاب في كل مجال ،،
شهيد أمامي للحق مثال
والكل يجري ورا المال،،
،نفسي في سنه منوه
حاجات أمامي تسد النفس،،وناس كتير ما تحس
والموجه وخداني ليه بس،،وماشيه على طول بالعكس
نفسي في سنه منوره
الاخ يقتل اخوه ياولاد،، علشان الورث والزاد
وكمان انتشر الإلحاد،،وانا شايف ابوك السقا مات
نفسي في سنه منوره
نفاق وكذب بدون ملام،،والخيبه ماشيه تقول سلام
وناس تانيه تمام التمام،
،نفسي في سنه منوره
إخرجنا يارب من الازمات،ونعيش سعداء من غير هفوات
والبسمه حلوه علي الشفاة،،حقق يا رب الامنيات
نفسي في سنه منوره
بقلمي رجاء عبد الرازق

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق