بيت الأدباء والشعراء

عشره بينا من سنين

عشره بينا من سنين
قلبي على قلبك أمين
عمري فى يوم ما هونت عليا
ولا تبات فى يوم حزين
لو بتغضب مره مني
قلبب يسقيك الحنين
كان صباحنا الإبتسامه
وفى مسانا سهرانين
قعده حلوه فى الجنينه
والعين تحاكي العين
نفتكر ذكرياتنا
اللي مرت من سنين
والزهور تسمع غناوي
والنجوم بينا فرحانين
ياما شاركوا فى ذكرياتنا
وعلى حبنا شاهدين
كانوا مراسيل الغرام
واحنا كنا صغيرين
قبل ما يتم وصالنا
كانوا لينا قريبين
يسمعوا الهمس فى قلوبنا
يوشوشنا بكلمتين
ويحددوا لينا ميعاد
ونتهادى بوردتين
أتوه من نظرة عنيك
وأفرح لو بقوا نظرتين
وأما تم بينا الوصال
وأتجمعنا فى عشنا
وأتحققت كل الآمال
والحنين ملا قلبنا
لا يوم فكرنا فى مال
ولا عزول يهمنا
ولا الهموم حمل الجبال
ما نفتكرش غير حبنا
ومهما بقالنا أحفاد
ولا كبر سننا
راح نحب زي العيال
ونتهنى بحلمنا
(((أسامه جديانه)))

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: