بيت الأدباء والشعراء

(بمناسبة عيد بورسعيد القومي)

(بمناسبة عيد بورسعيد القومي)
——————————————————————————– – ————————
————–
——-

إعـــــــــــــلا هُبــــــــــــــل
———————————-.
بعتذر
لكل فرد فى المقاومة
وكل شاب حمل السلاح
بعتذر
لكل من ضحى عشانا
عشان يقيد نور الصباح
بعتذر لبطالنا (حسنى)
بعتذر ل (آل شاعر)
لما حزموا الطاغوت
وقالوا حي على الفلاح
(سيبس) مش نبي ورسول
(سيبس) كان رمز الطغاة
شق جرح بقلب مصر
قبل ما يشق القناة
سيبس مش (موسى) بعصيته
شق مجرى لعبورنا والنجاة
120 ألف ماتوا تحت كرباج العتاة
120 ألف ماتوا بدون جنازة أو صلاة
ألف رحمة ونور عليهم..وحطوا هُبل في عُلاه
يعلن بصباعه عظمته وانه باقي للحياة
وقنالنا تحت رجله…والعبور يبقى برضاه
25 ألف لعنه..لشعب بيشيد بالغزاة
————————–.
(بطليمية)( رومانية)( سيسانية)
كنتي مطمع للرعاع
(طولونية)( إخشيدية)( فاطمية)
كنتِ رقعة للصراع
(أيوبية)( مملوكية)( عثمانية)
وكنتِ على وشك الضياع
عمر ما حكمك ولادك
وكنتِ للغازي مشاع
قومي يالا وهزي طولك
وارفضي أي انصياع
لكل رأى يهين كرامتك
أو عميل خلع القناع
وطالب بإعادة هُبلاهم
فوق منصة القناة
——————–.
المنصة الأولىَ بيها
للي حفر القناة
واللي اندفنت رفاته
بين رمالها والمياه
واللي عاد لبلدنا نورها
بعد تآمم القناة
من عدو محتل غاصب
خلا مصر عبيد حفاه
المنصة الأولىَ بيها
هما أصحاب القناة
———————.
شعر/ محمد توفيق
مصر_بورسعيد

حسني:-(خبير المفرقعات/حسني عوض)
آل شاعر:-(عبد المنعم الشاعر واخيه يحيي الشاعر)

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق