العمر بيفوت مننا واحنا مش حاسين

العمر بيفوت مننا واحنا مش حاسين
بالدقايق وبالساعات وبالأيام وبالسنين
بتجري بينا ما بين عذاب وبين دموع العين
تتوه بين الزحام قلوبنا وننسي كنا فين
نفرح ساعات وساعات كتير بيكوينا الأنين
ننسي اللي فات من عمرنا وننسي وجع السنين
نضحك كتير علي نفسنا ونقول ان احنا قريبين
يتوه الفرح وسط الجرح و نضحك م الأنين
نلاقي المحنه بتقتل روحنا ويبات القلب حزيين
اوقات كتير تفوت مابين حب وشجن
وقلب ضعيف يتوه في سباق ويا الزمن
يبقي اللي باع حنينك باع وياريت قبض التمن
تعيش سجين ما بين اتنين حبيبك والزمن
والعمر يفوت من بين ايدينا واحنا مش حاسيين
تفوت ساعات وتفوت دقايق وبتمر السنين
تفضل تقول مش غلطتي وتلوم علي العاشقين
العمر بيفوت مننا واحنا مش حاسيين
بالدقايق وبالساعات وبالأيام وبالسنيين
بيجري بينا ما. بين عذاب وبين دموع العيين

#محمد_عافيه