بيت الأدباء والشعراء

صراخ مكتوم ليه في عنيكي صراخ مكتوم

صراخ مكتوم
ليه في عنيكي صراخ مكتوم 
 وجوه جفونك حابسة هموم

وتلال دمع كما الامواج 
 لو تنزل يبقا الكون هاج

ليه م القهر هجرتي نهارك 
 شوفي من حزنك كام ليل زارك

والخفافيش سكنت على بابك 
 عاوزة الضلمة تهد شبابك

ليه فاكراني خلاص مكسور 
 وأتبنى بيني و بينك سور

لاء لو حتى بيحنوا في ظهري 
 هفضل اشيلك حتى في قهري

وأضحك وامسك ايدي في ايدك 
 وأصب بدمي في قلب وريدك

مش هسمح للحزن يعدي 
 او على بابك حتى يهدي

فاكرة حصاد زرعك نكران !
 عمر عذابك عندي ماهان

اه وغلاوتك راح تفتكري 
 لما تشوفي قليل من شكري

ومهما هقدم برضو قليل 
 ده انتي لعيني أمل ودليل

حملي فوق كتفي ولا تخافي 
 هقدر اعدي بحبي الدافي

وأوصل بيكي لشط نهار 
 مفيهوش غل وويل ودمار

فيه الشمس بتكتب اسمك 
و بأنوارها  تنور رسمك

لاء يا حبيبتي . لا مش مسموح 
ألمح فيكي ألم  و جروح

لاء يا حبيبتي ده أنا المخلوق 
علشان أجيبلك أحلى شروق
خالد المنصوري

ربما تحتوي الصورة على: ‏‏‏٢‏ شخصان‏، و‏أشخاص يبتسمون‏‏

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: