ح تصدقي

(ح تـصـــدقـى؟)
*********

لو قالوا فُضً هواك

او قالـوا انسى لُغاك /

ح تسكـن ف الحَضَر

مش ممكن اسكن غير وجودِك

ولا ممكن المس غـير خـدودِك

عشان/

هـواكى غرام بقلبى اللى انفطر

**

*لو قُلت:انا الطير اللّى رفرف,

واســتــوى.. عـلى كـفّ إيـدِك

انا النبض المهاجر من وريدِك

واللى فاكر كل شوق/

يشبط ف طوق الحلم/

ويخبًى الضنـا

**
ايـّاكـى فاكـره إنــك هـنــااااك,

وانّـى هِــنـا,

وان الـغـمــام.. ح يـغــشّــنــا؟

فازاى م بيـنّـا الوصـل:همزه؟

***
انا كـل يـوم بلضُـم ف حبّات

الزمن وانده واصيح:

ازّاى بريـدك غـيـر صـريـح؟
انا كل لـيـل تخرج مواويـلى,

تطبطب ع الجروح

وف كل بـوح/

اتـهجّـى صـورتـِك/ صِبـايـا/

أحس جوّايا بفراغ

وامضُـغ قُــطـوف الـكــلام!

***
انـا لـِسـه شـامم ف الحزام:

ريحـة مـنـاديـلـِك

فاكــر صهـيــلـك

لحن طالل ف السـما

لسـايا انا بسـمع:شخاليلك/

وانغامك/خلاخـيـلِـك

طـب ايـه دلـيـلــك ان انـا

نسـيتك ف يـوم؟

ازّاى.وانا الموشـوم بحُبـك

أتلِفت وانظر لغيرِك؟

ازّاى وانا عنوانى/ شـكلى,

فـيــه:دلــيــلـك؟

***
موـش ح اطـوّل ف الكـلام

عشـان ألاقى مكان لإسـمِك

إنًــمـــا…

مـسـتـنـى ضحكه مـفـسّـره

ف سـطور بريدك!!

*****************

الشاعر/أحمد عفيفى

*القصيدة عنوان الديوان