======== شمس الآمل ==== قصيده للشاعر // على عبد الرازق صالح احمد المعصره — الفتح — اسيوط

======== شمس الآمل ====
قصيده للشاعر // على عبد الرازق صالح احمد
المعصره — الفتح — اسيوط
==============
الشمس طالعه فى النهار ** تدفي قلوب الشقيانين
فلاح بيروي زرعته ** وعرقه سايل ع الجبين
خباز بيجري بخطوته ** وبين أديه شوال طحين
وجندي مرابط ع الحدود ** وجندي واقف ف الكمين
وجندي قلبه على الوطن ** خايف عليه من أرهابين
وبستاني واقف منتبه ** باين عليه تعب السنين
ظابط مرور فى جنب سور ** واقف ينظم ف المرور
واحد يقوله روح شمال ** وواحد يقوله روح يمين
عامل بسيط ومش عبيط ** شغال مقلش انا ابن مين
سواق توكتك ارزقي ** بيجري ويهرب من كمين
بياع خضار والمرافق طردته ** مشي يقول دا ف شرع مين
اسرق ياناس والا أعمل ايه ** حد يقول للمسؤلين
بيجروا ورى النس الغلابه ** من الشمال ومن اليمين
وناس بتنهب فـــــ البلد ** بتســـرق وتنهب ملايين
وأم العيال واقفه فى سوق الخضار ** فى البرد فى عز النهار
………..وشباب كتيره على القهاوي متسكعين
مستني الحكومه تعينه فى وظــ ***ــفه ميري تعينه على تعب السنين
بكام جنيه تصرف عليه ** معرفش ان الآحترام للشقيانين
شمس الآمل حلفت يمين ** ما تطلع فى يوم ع الكسلانين
شمس الآمل حلفت يمين ** ما تطلع فى يوم على ناس سكاره ومهملين
والا يوم تطلع او تغيب ** على اللي معندوش آمل والا حنين
===================================
بقلمي قصيده للشاعر // على عبد الرازق صالح احمد