بيت الأدباء والشعراء

رساله إلى …. !! *********** (((( أقرب الأقارب ))))

رساله إلى …. !!

***********

(((( أقرب الأقارب ))))

**********

وفر دموعك

إن قالولك

إن بُـكره ميتمى

وانتى بلاش تستحزنى

أو تندمى

ما انا كنت عايش

ريح جريح

كنت صمت فى الكلام

كنت رمز للمحبه والوئام

والـمُـغَـسِّل

لما يجى يغتسلنى

بلاش تكونوا موجودين

اللى عايز يبقى لاعب

أو مصارع بالسلامه

والهواتف

علو صوتها وما تخافوش

حتى لو طال الرحيل

قلبى عليل

مبيشتكيش

وجروحى عابده للسهر

ما بيناموش

ياللى سارقين منِّـى عُمرى

أغلى سنوات الشباب

علّو ضحك الانتصار

علّو ضحك الانتقام

واشهِروا سيوفكم فى شيبتى

طول عمر سهمى فى السلام

وان شالونى ع الكتاف

اوعاك تخاف

وانتى غيَّرى الضحكه الكئيبه

قولى مات زمن العجاف

وبلاش تكونوا فى الجناره

خطاويكوا أصلا مالها عازه

وان سيرتى ظهرت فى المجالس

متِدْعِولِيش

ما صوتى تاه من ضحككم

ما سمعتونيش

وان يوم عرفتوا قصتى

ما تحزنوش

يا اللى كنتوا فاكرين

ان قلبى من خشب

أنا اللى مفروض يتعملِّـى

ألف تمثال من دهب

***************

فيصل بدر

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق