بيت الأدباء والشعراء

ضحكة سلف

عادل داوود عسكر

ضحكه سلف..كلماتي عادل داود عسكر…🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
مين عنده ضحكه سلف من دمعي أستخبي……. جواها
من كتر الهم والأسي..الفرحه كانت وقربت…….. أنساها
ولاحد يقولي علي دوا. إزاي. بسمتي ترجعلي…. والقاها
وياللي بتلوموني جربوا دمع عيوني وحيرتي…..وشقاها
ضحكه سلف.🌺🌺🌺🌺🌺🌺🌺🌺🌺🌺🌺🌺.
في زمن فيه الضحك اختراع. فيه اللي باع واللي.. ضاع
فيه جرح بيجرح جروح..مابتروح. زمن القسوه. والوداع
فيه اللي بيضحك من همه. ويحاول ينسي. المه والضياع
وفيه ضحكة بكا بتخفي دموع. والعذاب بالكل……. شاع
ضحكه سلف.🌺🌺🌺🌺🌺🌺🌺🌺🌺🌺🌺🌺.
ياللي محظوظين وضحكتكم فدادين. ومتعرفوش..الأنين
تُهنا.لاعارفينها حظ ولاشطاره. واحنا.. إللي ديما…خايبين
عملنا كل حاجه وإحنا زي مااحنادمعنا سابقنا ومجروحين
فاكر لما اتولد كنت ببكي ولسه بكايا.معايا من…….. سنين
ضحكه سلف.. 🌺🌺🌺🌺🌺🌺🌺🌺🌺🌺🌺🌺
كتير ناس بتضحك مش سعاده. دي احزان……. بيداروها
وكتير بيوصفوا السعاده ولايوم.. شافوها ولاحتي حسوها
ومش كل مال بيسعد. لو يعرفوا فين تتباع كانوا اشتروها
وأدينا عايشين. مساكين بنحلم. باين ان الفرحه .صدروها
…كلماتي.. عادل داود عسكر..🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق