مبقاش رجوع

قصيدة بعنوان………… مبقاش رجوع

الحلم لابد ف الدفا
خايف يموت
من برد صابه الجفا
ويا السكوت
والأنتظار واخد قرار
يغزل بوادر الامل
لو يوم يفوت
وف عز صمتى
جوه دهاليز الطريق
قلبى غريق
محتاج يفوق
باصص لفوق
مستنى همسة تطمنه
وسط الفروق
والدنيا سايقه ع السريع
مشهد فظيع
بين التروس
عمال أغوص
والنبض صاحى وأنيته
جوه الضلوع
بتقول خلاص
مبقاش رجوع
تاه الطريق
ضاع الامل
فى عيون برئ
هلت ضبابة سكته
غاب الشروق

كلمات الشاعر محمد ثروت