بيت الأدباء والشعراء

انساك ازاى

#انساك_ازاي
حالتي النفسية بتستدعي مليون دكتور
او ان الغالي ال واحشني يشتاق و يزور
وشه ال بيضحك فين هوه واحشني ياهو
دنا حاسس اني ف بعاده انسان مكسور

بشغل نفسي بميت حاجة ومنيش مشغول
و أتاري البعد شجيع جدا متوحش غول
لو نرجع تاني في خصامنا ونعود احباب
ونعود للعشق من تاني والشوق موصول

دا البعد بجد مينفعشي دا البعد حرام
و العند بينا مهوش نافع بيزيدنا غرام
وانساك ازاي وانت ف دمي والروح وياك
معقولة يعني ف خصامنا عينك بتنام

الورد ف قلبي مستني ترويه ب ايديك
لو حاسس بيا ارحمني وصالحني عليك
بموت ف بعادك ميت مرة وقاتلني الشوق
تحييني النبرة ال ف صوتك انا مستنيك
#الشاعر_ابراهيم_دعبس

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: