بيت الأدباء والشعراء
محمد ثروت عبد الحفيظ قصيدة بعنوان…… قولولها خلاص مسافر
محمد ثروت عبد الحفيظ
قصيدة بعنوان…… قولولها خلاص مسافر
يا موصالين سلامى
وأشواقى عندها
قولولها خلاص مسافر
وهأبعد عنها
كتير جرحت مشاعرى
وهنت ف قلبها
فأزاى هأصون وأطبطب
وألملم جرحها
ياريت بس أسألوها
عن شوقها وحبها
أزى خدعتنى ياما
وف قلبى رسمتها
وأزاى هانت ليالى
وأمانى عيشتها
مع إنى مش أنانى
ولامرة جرحتها
ولاكنت ف وادى تانى
مش واقف جنبها
وده مين بعدى هيقدر
يحقق حلمها
يقرا الفرحة ف عينيها
من همسه يحسها
يادموعى معدشى نافع
خلاص ودعتها
وياقلبى بلاش تدافع
وتدارى غدرها
كلمات الشاعر محمد ثروت عبد الحفيظ
