عمل ثنائي مشترك بين الشاعر مصطفى عبد النبي &بسمه عيسى ……………

عمل ثنائي مشترك بين الشاعر مصطفى عبد النبي &بسمه عيسى
……………
في حب مصر كتب
الشاعر مصطفى عبد النبي
والاستاذة -بسمه عيسى
………………..
تحيا مصر اللى فى خيالى
حضن ابويا وام عيالى
تحيا مصر ام الحكاوى
جوه بيتنا وعالقهاوى
ام الامن والراحة والامان
نسيب ولادنا وبأطمئنان
تحيا مصر ام الجوامع
والكنايس والغيطان
تحيا مصر اللى تجمع
الحبايب والقرايب والجيران
تحيا مصر ام الامان
من غير بيبان ولا حيطان.
من غير سجان ولا مسجونين

مصطفى عبد النبى
………..

مصر ام الدنيا
…….
والام مدرسة نقول عنك ايه يا امنا
انتي مش ام المصرين
انتي ام البشر كلها
تعلمينا كل شيء
الشهامه والجدعنه
الفرح والسعادة
والكلمة الصادقه
فيك الفن والحضارة
فيكي التاريخ والعلماء
والعظماء ….فيك الدين
اسمك انكتب باطهر الكتب
ربنا نزلك بكتابو وامنك من كل غادر
او حاقد
هتفضلي يا مصر مصيونه ومحفظة
مهما اشتد عليكي البلاء
هتبقى اقوى من الزمان وراسخة بالمكان
دايما تقابلي الحزن بضحكة صافية من القلب قلب بيعشق ترابك يا امنا
ارضك خصبة مروية بعرق ودم اولادك….تطرحي كرامة وشهامه
مهما اتغير المكان رح تبقي يا مصر
ام الدنيا حضارة وتاريخ
………
بقلم — بسمه عيسى
……
يابلدى طول عمرى بعشقك وبمدحك فى موالى
وفداكى عمرى ودمى وسكنى واهلى وعيالى
وعلى نيلك اتمشى والقعدة الحلوه تحﻻلى
كلنا فدا ترابك ونقدم روحنا ويرخصلك الغالى
عشان ماتحلى ايامك ويرفرف نجمك فى العﻻلى
وضحكتك ترجع وامجادك تعود ونورك يلالى
ايه اللى عمل فيكى كده أسأل ويحتار سؤالى
ﻻ لاقى جواب وﻻ حتى عتاب وﻻ حتى فى خيالى

بقلمى : مصطفى عبد النبى