مقالات
د.حازم الشاذلي يكتب:مأثورات المصريين في الحسد وخلافه
بقلم: د.حازم الشاذلي
لعل شعبنا من اكثر الشعوب إيمانا بالحسد وأثره فى تسيير مقدرات حياته وطبعا إذا ناقشت أحداً فى ماهية الحسد ودوره فلن يخلو الأمر من نظرة شذرا مع العبارة المألوفة الحسد مذكور فى القرأن.
ولشعبنا تقاليده الخاصة لدرء الحسد أصبحت بالنسبة لنا ماركة مسجلة لا ينافسنا فيها أحد وسأذكر هنا بعض الامثلة.
صورة كبيرة لساق متجبسة تنشر فى الصفحة على فيس بوك وتحتها عبارة العين صابتنى ورب العرش نجانى.
العربية من أول خروجة اتخبطت واتدشدشت مجرد خدش عادى بسيط.
الواد فى البيت وحرارته أربعين.
البيت كله جات له شوطة كورونا برد عادى أصاب الوالد.
الواد الأخير ده جه غلطة والله يسبقه أربعة أو خمسة.
لا مانع من إخفاء عدد الأنجال الحقيقي أو إضافة الرقم خمسة بمناسبة وبدون مناسبة.
من ساعة ما سكننا فى البيت الجديد واحنا ما بنبطلش خناق مع بعض أصلا هما كذلك من بداية الزواج.
جوزي سافر السعودية بعقد مؤقت بالفين ريال أحسن ما نموت من الجوع هنا مرتبه ثلاثون ألف.
عبارة تكتب علي الميكروباص ماتبصليش بعين رضية شوف إيه اللي اتدفع فى.
وممكن أيضاً الحلوة دي خوخة جت بعد دوخة.
وبعد أزمة الكهرباء
الكهربة قطعت عندنا امبارح عشر ساعات والتلاجة ضربت والأكل كله رميناه في الزبالة الكهرباء قطعت نصف ساعة والثلاجة سليمة.
أما عن المواقف واللزمات الحديثة للخروج من المواقف المحرجة والأزمات وخلافه فحدث ولاحرج.
حبيبي يا باشا ازيك هو لا يتذكر اسمه
والله العظيم فى بالى ولسة كنت حاكلمك حتى أسال عزيزة مراتى لم يخطر علىباله قط
كلمتك كذا مرة وانت مارديتش على ممكن كان فى الحمام أو نايم.
والله كلمتك كذا مرة عشان أعزمك فى الفرح لقيتك غير متاح كان ممكن تحاول مرة أخرى.
فينك يا عم انت ما بتسألش ليه هو اللي ما بيسالش.
انت بتقفل موبايلك ليه كاذب لم يحدث.
السيستم واقع يقولها الموظف عندما يريد أن يتناول إفطاره.
الموبايل فاصل شحن يقولها الأولاد لتبرير غيابهم فى أماكن غريبة.
أنا عيبي إني طيب وحقانى واللى فى جيبي موش لى وهو يأكل مال النبى.
هو نبيه جدا بس مالوش خلق على المذاكرة يقولها الأباء لتبريرغباء عيالهم.
جيل ما يعلم بيه الا ربنا يقولها كل جيل عن الجيل الذى يليه.
العريس قمر والعروسة قمرين تقال فى الأفراح بينما العروسين نسانيس أو على الأقل واحد منهما.
انت ما كلتش حاجة هو أكلنا مش عاجبك تقال للضيف بينما يكون هو قد التهم نصف المائدة شعب كريم ومضياف ومجامل.
والله يا دكتور ما بانام الليل يقولها المريض طمعا فى زيادة اهتمام من الطبيب.
أنا بنتى دكتورة يقولها مريض طمعا فى تخفيض اتعاب الطبيب.
رجلى مورمة يا دكتور يقولها مريض غالبا تاجر لطبيب أنف وأذن زبون عنده.
الورقه عند مدام عفاف وهى معتذرة النهاردة يقولها الموظف المكلف بتغطية مدام عفاف وهو أضاع الورقة.
تحريك الأسعارتقولها الحكومة لتجميل عبارة رفع الاسعار.
وأخيراً تخفيف الأحمال وترشيد الاستهلاك.
تقولها وزارة الكهرباء للتعبير عن أزمة لا يعرف أحد سببا لها.
الخلاصة نحن شعب متميز ومبدع بالفعل.
