رونزا

رُونزا
******
رُونزا
زهره
فتحت فوق الجبال
من جمالها
البُعد عنها شيئ محال
رُونزا قلب
لسه نونو
بين ضلوع أجمل غزال
لو تشوفها
وللا تلمح مره طيفها
تلقى نفسك
جوه بستان الخيال
رُونزا لما
تبقى جنبى
لون حياتى
يبقى بمبى
من جمالها والدلال
لجل رُونزا
نفسى أنسى
المشاكل والهموم
وأبقى ليها
نور عينيها
والسعاده اللى تدوم
وأبقى مَرسى
عندى ترسى
رُونزا ومعاها الأمال
مش هقولك
عن طيبتها
والتواضع بين عيلتها
رُونزا
لو هتجيب سيرتها
تلقى قلبك ليها مال
زى قلبى
والقلوب العاشقين
زى عينى
والعيون المشتاقين
تملا رُونزا
كاس هواهم
بالمحبه والحنين
والأمانى اللى ما تعرف
شيئ محال

******************
رضا أبو الغيط