ربات الحلا

حديث الصباح

ربات الحلا
…………..
هل دريتي يالعنود
القوافي صاغها صب بحبك مبتلي
ماعرف جفنه سويعات الرقود
مهما ليله طال وصبحه أنجلي

حرفه الشاكي من وخز القيود
مل حرف من نزيفه ماخلي
شعره الباكي المكفن للحود
من سواد الليل لونه أنطلي

كل ماناحت ربابات وعود
أفتكر شعره يردد للملا
من عرفتينه علي البلوي جلود
يوم هجرتينه لطيفك ماسلي

ماجمع ناس علي هجرك شهود
رغم إنه بالعوازل أختلي
ماذرف دمع علي سطح الخدود
البكاء مخلوق لربات الحلي

كان قبلك عايش وسط البرود
ويوم عرفتينه بنارك أصطلي
كان ظنه يوم هواك يالعنود
كان ظنه للكواكب أعتلي

مادري إنك مثل ظبي شرود
مايود العز حنينه للخلا
وش بلاك ماتراعين العهود
تذبحينه صوب أنظار الملا

عازف
الشوق