جيتك وبسأل نفسى ليه راجع
جيتك بدارى دمعة مكتـــومه
جيتك وبســأل عن أمل ضايع
سؤال محيرنى وإجابته معلومه
***
يمكـــن خطـــايا ضلت السكه
يمكن عيـــــونى لسه معصوبه
يمكـــن مشاعرى لســـه بتكابر
لكن المؤكد هى مصدومـــــه
***
كل الأمانى فى سكتــــك تاهت
كل المعانى فى قصتك ضاعت
كل المشاعر فى الطريق شاخت
جوه الضلوع الضربة مكتـــومه
***
ضاعت حروفى فى الكلام تانى
تاهت خطايا فى سكتــــــك منى
كل اللى باقى نبض فى كيــــانى
وقلب مش راضى ونفس مكلومه
