بيت الأدباء والشعراء

حبه غجر

حبة غجر

———————–

ف قلوب كل الخلايق

ف الحوارى

ف الشوارع

ف المضايق

منقوش الحجر

أسمر وبكف عريض

وف قلبه حرايق

مش طايق نفسه

قام من رسمه

طار بجناح ملهوف

وبقدم مكشوف

دار ولف .. مد الكف

شق بطون السما

نزل الوليد

أسراب م الحجر

حالفين بدم الشهيد

وبدمع الشجر

لبكره الفجر يتوضا

بضى القمر

بس بكره يرجع م السفر

يا كل البشر حبة غجر

غموا عيون الشمس

ف عز المطر

كام حلم تاه

كام حلم انكسر

حبة غجر

لفوا البراءة ف الحُفر

الضى مش لاقى سكته

السكه دبلانه م العفر

الاقصى ف حضن الادان

بيداري دمعه ف الصلا

وغزة من غير بيبان

توابيت ف قلب المقبره

القدس نايمه ع الوجع

غزه محتاجه لجدع

وطفله مش لاقيه أمها

والصرخه تايهه من الوتر

بس بكره يرجع م السفر

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: