بيت الأدباء والشعراء
يا دنيا اه
يا دنيا اه
خالد حلمي خطاب
الدنيا ليه تقيله عليه
معندهاش كدا حنيه
تاخد العزيز كدا والغالي
وبكل كارثه وقفالي
يا دنيا متسيبك مني
واياك تسئلي بقه عني
يا دنيا اه يا دنيا اه
فكراني واحد من السيما
شغاله ليه سكه حزينه
وكل يوم تحرقي دمي
وتاخدي خالي أو عمي
سيبهم انا افرح بيهم
مش كل حبه تاخديهم
يا دنيا اه يا دنيا اه
انا قلبي مشوى ومتجرح
وكمان عيوني هتتقرح
ورجلي تاهت في السكه
وابويا عندك من امته
هاتي لي فجر كدا يفرح
ينسي قلبي اللي اتجرح
يا دنيا اه يا دنيا اه
