بيت الأدباء والشعراء

واحشني يابا

كتب/ كارم والي

نفسي أشوفك ف المنام
تيجي وتطبطب علية

عامل إيه واحشني يابا
إنت وأمي سبتوني ليه
في الدنيا دية ؟؟!!

وحشني صوتك وضحكتك
وحشتني جدا حكمتك
ودخلتك ونبرتك
ده فراقك أثر فية

أنا لسة فاكر وقتها
لما الألم زاد عليك

وآخر حاجة طلبتها
إنك تملي مني عنيك

وقفلت عينك وقتها
وعمري مانسي اللحظة دية

بتيجي في بالي كل يوم
وافضل ابكي بالدموع

وأفتكر ايام زمان
بصراحة بتمني الرجوع

واقول لنفسي بكرة اشوفه
مرة واحدة ولو شوية

وأغمض عيني ومش بتيجي
أوعي تكون مخاصمني يابا

دانت حياتي وإنت حبيبي
وكل حاجة ونور عنية

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: