انا المغلوب

(((( أنا المغلوب ))))

***************

يا طيور الغربه ارحلى

معدش فيها رجوع

تاه الأمل فى الألم

والفرحه تاهت فى الدموع

يا عمر مأنون بالجراح

كفايه نواح

لا عاد يفيد الصبر

ولا حتى هيعود اللى راح

يا شمس لمّـى خيوط الهموم

من دربى

ولمْـلِـمى اللى باقى م الفؤاد

واعلنى احتضارى ما تـخَـبّــى

يا نور القمر سافر

لونك ما عاد بيهمّــنى

ولا بسمة العشاق تحت الشجر

ولا لمسة الرفيق فى السفر

ولا حتى صدر أم يضمنى

يا طيور على شجر الربيع

صرخت ** ونزعت

كل حلمى م القلوب

يا سنين نهارها ليل

وليلها ألف ليل طويل

رضيت بجرحِك فى الفؤاد

وعشت عمرى انا مغلوب

*****

شاعر القريه

فيصل بدر