أمي
أمي الغالية وحشتيني
في بعادك يامه نشفت دموع عيني
قلبي اللي كان بيرقص لما كنتي تضميني
دلوقتي يأمي خلاص نبضه بيكويني
رحلتي ليه يا امي بس كده وسبتيني
امي الغاليه وحشتيني
عمري ما هنسي دمعتك لما الزمان كان بيضعف قوتك
وتقولي معلش احنا زهرة جنتك
اتحملتي كتير يأمي في دنيتك
وكان قلبك حنين مهما نزلت دمعتك
علمتيني الصبر دا انا عايشه يأمي بدعوتك
كنتي دايما دعيالي بالستر
والله يأمي انا عايشه بدعوتك
كل ما ضاقت الدنيا ألاقي
باب الحياه انفتح من جنتك
يمكن يأمي قصرت معاكي في دنيتك
لكن أكيد بدعائي انفع اخرتك
ربي ارحمها برحمتك ربي متعها بقدرتك
دي أمي ياربي محبتها اكيد من محبتك
بقلم صفاء حسانين
