مش ناسيها

قصيدة بعنوان……. مش ناسيها

أفتحوا قلبى تلاقوا
١٠٠ دليل على حبى ليها
كل دقة ف قلبى رافضه
تبقى عايشه إلا بيها
وف مشاعرى شئ ساحرنى
والسعادة عيشت فيها
لما طيفها يوم قابلنى
وإنشغلت بحبى ليها
كنت راسم أحلى جنه
بيت صغير كان عشانا
كل طوبة منه كانت
كل ثانيه بتناديها
وأما أغيب وأبعد ثوانى
بألتقيها ف الامانى
وألقى روحى بتناجيها
عمرى مرة ما كنت آسى
أو فى لحظة ليها ناسى
كنت ياما بخاف عليها
ورغم قلبى كان عاشقها
وبحنانه كان شاريها
بس جاها حد تانى
هد لى كل الأمانى
قبل منى سابقنى ليها
الحياة أسودت فى عينى
والألم أصبح مالينى
غصب عنى بأعيش ماضيها
بس رغم البعد عنى
عشقها ساكن فى دمى
لسه برضه مش ناسيها

كلمات الشاعر محمد ثروت عبد الحفيظ