بيت الأدباء والشعراء

اسألينى.. بقلم مهندس/ حسن سعد السيد

 

إسألينــى يمكــن أعــرف يوم أجــاوبك

لــو غـــدر بيــكِ الـزمــن اخــد بيــدك

إسمعينى لو غــدرتى مـش ح سامحك

إنـتِ ناسيـه كـل عمــرى عشتـه جنبك

ولا ناسيــه كنــتْ أنـا اغلـــى حبايبك

كنتِ وإنــت صغيــره افضـل احـايلك

كُنْتِ أخاف نسمة هوى تبعتـر ضفايرك

عمـري كلــه في عيــوني كنت شايلك

كنـتْ فاكــر إنـى ساكــن جــوه قلبك

ليـه خـدعتي وإنت عارفه قلبي ريدك

ليه نسيتـى ليه هجـرتى مش عويدك

كل دقه بتسألك يا حياتى وفى وعدك

مستحيل الدنيا تحلـى غير ف قـربك

مستحيـل القلـب يعشـق تانى بعدك

قلب مخلص قلب عايش ليك وحدك

خايفه ليه ديما شرودك يحكى هـمك

اسالينى خايفـه ليـه يمكـن اساعدك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بقلمى
مهندس/ حسن سعد السيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: