بيت الأدباء والشعراء

وكان قلبي وطن ليكم

وكان قلبي وطن ليكم
تضيق الدنيا يحويكم
يشوف الدمع ف عيونكم
يحن بروحه عليكم

مدام بعتو وخونتو العهد
محدش منكو صان الود
خلاص ارضى ما سعت حد
شوفلكم غيري يغنيكم

ان بايعة اللي كان بينا
ومش هندم على قراري
خيانة الغدر كات منكم
وطعم المر ف مراري
فمتحولوش تلمو الشمل
وتيجو بالعشم داري
ولا بأعذار تهدي القلب
وخلو الحزن مداري

انا اتحملت فوق طاقتي
وكان على قلبي زي الشهد
جنيت الشوك ف جنتكم
وسال دمى ف احضنكم
يا ريت الموت جاني وجالكم
ولا يفرق ما بينا غدر

يا نار قدت ومبتطفيش
وصبر الدنيا مايساويش
جراح باتت ف قلبي تعيش
ويتنفس الألام منكم
سيبوني الله يسامحكم

#إيمان رضوان #

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: