بيت الأدباء والشعراء

**** بياعين الكلام ****

بقلم / مصطفي كرم

 

اوعاك يوم تقولي

أنهم أحباب

لو كان حبهم صادق

ما كان لحظة غاب

الحب إيه غير لقا

وشوق بعد غياب

وإزاى تضحي بعمرك

وتفتح للحب باب
………………………….

جوايا صرخة ألم

في القلب مكبوتة

حالنا أصبح عدم

نعمل منه حدوتة

عنوانها دنيا الهنا

وهى بالهم ملتوتة
………………………….

يا بياعين الكلام

همس وغنا وحروف

للفرح نرصف طريق

وجوانا نزعة خوف

نرسم الضحكة صافية

والحزن فينا يطوف

نغني للحب مرة

وللجرح نغني ألوف

نوصف دوا للأحبة

ودوانا مش معروف
……………………………..

فاتحين عيونا بعجب

لكن مش بنشوف

نجري ورا الألوان

نغطي وشوش وظروف

نخدع روحنا بإيدينا

ونقول دا أصله عطوف

ولما نضل الطريق

يسكنا حزن وخوف

هو العيب فى العيون

واللا القلب كان مكفوف

ملعون قلبي اللي حبك

وقال حبيب موصوف
……………………………….

بقلم / مصطفي كرم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: