بيت الأدباء والشعراء

الليل بيبعت للنهار مليون سلام

بقلم عزة أحمد ابو زيد

الليل بيبعت للنهار
مليون سلام
بيقوله من قبل الكلام
جتلك جميله معطرة
تشبه لبدر الليل تمام
بدأت تصبح ع البيوت
بدأت تغازل فى الحمام
وأبتدت ترسم ملامح عمرها
علي كل شكل
علي كل فصل
ماهي بنت اصل
علي كل حاجه بدون ملام
وأبتدا الوصل اللى بينها
وبين ضمير القلب يعرف سكته
والسكه تتحدد مسار
والاختيار
كان حلم طالع ف السما
كانت بترسم بالعيون
مليون مدينه بالف لون
كان الجنون واصل مداه
كانت بتفرح بالحياه
ترسم هنا مدنه وسفينه
ترسم هنا شطين ف مينا
والعشق واصل منتهاه
والعشق دا اللى بتعشقه
عشق الحياه
طوق النجاه
مش ع المقاس
صور لناس
أن الحياه
مش راح تدوم
صور لعاطل أن كل الكون هموم
صورله أنه يبقي افعي
تملأ كل الكون سموم
يظلم هنا يقتل هنا
ويخلي بحر الدم عوم
يا مغرمين
الحب مش قلبين وسهم
الحب بالنسبه له وهم
واخد معاه زهرة شباب
الحلم غاب
لما الضمير
فكر بأنه ينتقم
من حد عاش
يحلم بأن الكون بخير

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: