بيت الأدباء والشعراء

مَـــن لــ غـــزة

بقلم / محمد ربيع المصري

مَـــن لــ غـــزة
؛؛؛؛؛؛؛؛؛؛؛؛؛؛؛؛؛؛؛؛؛؛؛
تاني يقصفوا غزة
ويحرقوها بالنيران
دبابتهم … طيارتهم
أسلحتهم ف الميدان
صواريخ تضرب بقوة
وأسلحة مالية المكان
والغرب عينها مغمضة
والعُرب سايحة مع اللبان
تيجي تسألهم يقولوا
كلنا عاوزين أمان
اللي طبَّع واللي صبَّع
واللي تايه في الزمان
واللي غرقان في ديونه
واللي ضايع واللي هان
واللي اصبح جثة هامدة
واللي نايم ف الديوان
ومجلس الأمن المحايد
على غزة نصب الرهان
بس بلدي ليها كلمة
وليها سطوة ف المكان
فمين لغزة غيرك انتي
يا مصر يا أم الحنان
كلنا واثقين ف دورك
اللي هيكون ف الميزان
ومهما يضربوا في غزة
برضه راح يعلو الاذان
_-_-_-_-_-_-_-_-_-_-_
بقلمي / محمد ربيع المصري

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: