قصيدة بعنوان……… غريب
ولقتنى بأفوق من وهمى
وب ألملم روحى وجرحى
مش شايف غير أحزانى
وعيونى بتنزف دمعى
ب أتعلق ف القشاية
وأتعكز على أحلامى
بأتقطع من جويا
وغريب من غير أحبابى
ياشموع الفرح تعالى
ياهمومى ما ترحمى حالى
بياخدنى الموج العالى
وبيقتل فيا كلامى
بأصرخ من ألمى ويأسى
وأتعذب من أيامى
وبأدور مش لاقى نفسى
ولا شايف مين قدامى
من حفره لحفره بأخطى
وسنين عايش وحدانى
والعمر ساعات بتعدى
وغريب وأنا وسط مكانى
كلمات…. محمد ثروت
