لعبه. مع. القدر

#لعبه .. مع القدر
( اصدقاء او زملاء فى زمان ومكان ما )
هي : ممكن نعيش تجربة جديدة ؟؟
هو : تجربة إيه ؟
هي : تعال نرتبط لمدة 30 يوم بس واكون حبيبتك وزوجتك
وكده كده احنا الاتنين سنجل
هو : مممم ، فكرة حلوه .. ليه لاء
#اليوم 1
دخلو السينما لأول مرة مع بعض ..
وتلامست اصابعهما اثناء مشاهدة
الفيلم
#اليوم 4
ذهبوا لشاطيء البحر وقضوا وقت ممتع ومميز حتي اخر اليوم
#اليوم 12
اتفقوا على الذهاب للملاهي ودخلوا بيت الرعب و هي كانت خايفه قوي وحاولت تمسك إيده بس غلطت ومسكت إيد واحد تاني وعاشوا لحظات هستريا من الضحك ع الموقف دة
#اليوم 14
قابلوا عراف وسألوه عن حظهم من باب الفضول العراف قالهم :
حبايبى مضيعوش لحظه من حياتكم وعيشوا حياتكم في سعاده واستغلوا كل لحظه فيها مع بعض . ولكنهم لاحظوا
نظرة ألم وحزن عميقه فى عين العراف
#اليوم 20
فسحه فى الاهرامات وعاشوا لحظات سعاده لا توصف وساعدها على ركوب الخيل والجِمال ومن السعادة همست بكلام تمنت ان يسمعه
#اليوم 28
استقلوا باص و الباص عمل حادثه واصيب اصابه بسيطه لكن كانت قلقانه جداً
وهتموت من الخوف عليه
#اليوم 29
الساعة 11:27 p.m
فاضل 33 دقيقة وال 30 يوم تنتهي
هو و هي قاعدين في نفس المكان اللي
الى اتفقوا فيه من 30 يوم يعيشوا التجربه
هو : أنا عطشان ، تحبي تشربي حاجه ؟
هى : شكراً اى عصير لو ممكن ..
هو : حاضر .. لحظه مش هتأخر يادوب للماركت وارجعلك مّر وقت طويل
فوجئت بمكالمه صوت غريب
الغريب : إنت تعرفي صاحب الرقم ده ؟
هى : اه ، ليه فى إيه ؟؟؟
الغريب : عربية مسرعه خبطته وهو فى المستشفي حالته سيئه قووى
#الساعة 11:57 p.m
الدكتور خرج من غرفه الطوارئ
وكان معاة متعلقاته العصير
وجواب ..
الدكتور : إحنا لقينا الحاجات دى معاه
قرأت الجواب وكان بيقول :
الجواب ده أنا كتبته من كام يوم ، أنا لقيتك إنسانه رقيقه ورائعه وجميله و قلبي حبك بجد واتعلق بيك من غير ما أشعر
إبتسامتك اللي حبيتها عمرى ما هنساها ، وكل حاجه حصلت بينا فى تجربه ال 30 يوم خليتني أتشد ليك واتمناك فى حياتي
وقبل ال 30 يوم ما ينتهوا أتمني إنك تكوني حبيبتي بجد لآخر يوم في عمري .. بحبك ..
طوت الجواب و دخلت غرفه الطوارئ
وصرخت بحرقه وعيون كلها دموع
مش عيزاك تموت .. أنا بحبك ، فاكر يوم لما روحنا الأهرامات ؟ ساعتها أنا همست بكلام إنت مسمعتهوش _ أنا كنت بتمني ساعتها إننا نفضل مع بعض للأبد و نفضل مستمرين فى التجربه لآخر يوم فى حياتنا …
أرجوك متسبنيش حرام عليك
متحرمنيش منك متعملش فيا كده
ساعتها الساعة دقت 12:00
وتوقف قلبه عن الحياه …
وكانوا 30 يوم زى اتفاقهم بالظبط
( أعطي كل المشاعر لمن تحب إجعله يشعر أنه أغلي من الدنيا لأنه عندما يرحل ستحزن عليه أشد الحزن و سيكون وقت المشاعر قد فات أوانه )
( من فنتازيا الحياة )
حمدي