ياللى رافضه
كل حاجه
ورفضه حتى
حبى ليك
وأنا شوقى
يوماتى لسه
بالامانى بيناديكى
قدمتلك روحى وعنيه
وقلتلك دول هديه
لانك إنتى عندى غاليه
وأغلى من عنيا
ورغم كل اللى قدمتهولك
رافضه برده محبتى
ضيعتى منى عمرى كله
وتوهتى منى سكتى
مع إنى بشتاقلك تمللى
وفى الدقيقه ألف مره
واتخيلك فى حضنى
وإنتى هالا بالمسره
ولما أفكر أو أفوق
بألقى نفسى طير غريق
وساعتها بانسى كل عمرى
وأتمنى برضه اللحظه دية
شاورى عقلك واساليه
واوعى حبى تخسريه
ياللى حيرتينى فيكى
ورغم كل جنون هواكى
لسه عاشق رؤيتك
