بيت الأدباء والشعراء

تهجرني روحي

ابو رامى الاسواني

 

اسمحيلي هقول كلام
يمكن يكون هو الدليل
على أن قلبى ليكي مال
والجمال فى اصل الحكايه
انى عايش فى الخيال
وبخيالى فيكى سارح
ياللى كنتى ف يوم حكايه
وكانت من اجمل حكاوى
وكنت غاوى وكنت ناوى
يعيش لى ضلك لاء كلك
ياللى عاش لك قلبى اسير

وبين حروف العشق ساكن
بحضن الشمس بايديا
ولما ايدى ف يوم بتلمس
بس يادوب ف طرف ايدك
كان يسرح حبى ف وريدك
كنت بسهرلك وأغنى
ويطول السهر مابينا
ويعلى صوتى بالاغانى
وبخيالى اروح لذكرى
فيها طيفك
تهجرنى روحى وليك تروح
ولما هجرك تانى يزيد
وغربتك تاخدك بعيد
ارجع أسهر تانى وحدى
وأحط احزانى ف حروفى
وانسى خوفى وانسى انك
كنتى لى ف يوم الحكايه
والدليل انك هجرتى
ومثلتى دورك كله تمام
اسمحيلي يا روحى اقولك
من هنا خلص الكلام

ابو رامى الاسواني
10/6/2022

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: