بيت الأدباء والشعراء

قاعد بيدور على فكرة

عزة أحمد أبو زيد

قاعد بيدور على فكرة

على حاجه ضاعت منه زمان

حاجه يدوب ابيض واسود

كان نفسه يعيشها بالالوان

مع فيلم بيجرى ف زقايق

مخنوق تايه

خايف عفريته يبان

دور ف الكادر المتبروز

وشه مبوز

وسواد ف الصورة المعدومه

ليه حاسس ان انا جرثومه

تتخفى منها الابدان

والطيبه المحفورة ف قلبى

عايشه بتحبى

ف سراديب الحلم المتخبى

مهبوش هابش عقلى بفكرة

ضاعت زى ضياع الالوان

فجاء ه نهار الصبح يشقشق

وش حليب ابيض بينور

نعناعه لفلاحه جميله

بتبيع بيض مع جبنه قريش

بتفرق ضحكتها الخضرا

معجونه ويا رغيف العيش

بتقابل يومها ببسمايه

يضحك ليلها ف نور الشمس

بسمتها بترسم وردايه

هى ملمس روح الامس

وقبل نهار اليوم مايروح

بوش رغيف طازة ومصحصح

وغدوايه مدهونه بحب كبير

ورغم الفقر ورغم الهم

نعناعه قلب بروح الام

نزلت دمعه منى تطبطب

كل سنينى عشتها مر

قلبى حس بكل الطيبه

وياها يحلو العمر

مهما العقل بيغيب منى

غصب عنى

قلبى سفينه شايله الكل

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
%d مدونون معجبون بهذه: