بيت الأدباء والشعراء

الفارس الهمام 

كتبت : صفاء حامد

 

كل عروسة تحلم بحضن الفارس الهمام 

تصحى تلاقي نفسها في حضن أبو لهب 

ويقولك أنا في العيشة معاكي مظلوم 

عمري ماشفت معاكي طعم الحب 

تقعد تعيد حساباتها من سكات

نص حياتها راح عليه وعلى العيال والنص التاني التهابات 

سحبت كرسي ليها وشددته من عالم الموبيلات 

عاوزة اتكلم معاك وتكون دي جلسة اعترافات 

كان نفسي أعيش معاك أميرة وللحياة فاتحة دراعي 

لاقتنيي عايشة معاك أسيرة وباخد على دماغي 

كان ليا أمل تسمعني وبعيونك دول تشوفني 

أهرب لحضنك لما الدنيا تضيق عليا 

اسمع منك كلمة حلوة تخليني واقفة في وش الدنيا دية

أو طبطبة بحنية على كتفي وقت الأسية 

كنت بفتح معاك للكلام مجال وانت قافل بابك بالأقفال 

الحب عندي بيبان في المواقف والكلمة الحلوة باستمرار 

بصلها من فوق لتحت الحياة معاكي نكد ليل نهار 

دخل الأوضة وسابها تكمل في الدنيا المشوار 

                 

صفاء حامد

الحياة لا طعم لها بلا أمل

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: