بيت الأدباء والشعراء

بجد احباب

بقلم / محمد ربيع المصري

 

كل يوم بنتألم من الأحباب

ونرجع تاني ونسلم

ونفرح لو يدقوا الباب

نتلاقى ولا نعاتب

ولا نخاصم ولا نحاسب

ولا نهجر ونتقاسم كما الاغراب

بننسى بسرعة أي خلاف وأي أنين

ونعرف نشتري الخاطر

بضحكة وكلمتين حلوين

وبنقرب ولا نبعدش

عشان يفضل ما بينا حنين

عشان نفضل كده غاليين

ولا ننساق لأي عتاب

أدي قلوبنا اللي بتسامح

ومش بتشيل عداوة لحد

سواء اليوم أو امبارح

لاغيين من قلوبنا الحقد

وضحكتنا على وشوشنا

بدون تزييف بدون تكليف

نعرف برضه نتجمل ونتكلم

أساتذة في فنون الرد

وبس عشان نصون الوعد

هنلغي عليكوا اي حساب

عشان نفضل بجد احباب

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: