بيت الأدباء والشعراء

يا بايع الصبر

بقلم نبيل عبد الحليم

((يابايع الصبر))

يابايع الصبر قولي

قولي مكانك فين

وقولي كمان سلعتك

 بالمتر أو بالكيل

والصبر بتاعك أصلي

ولا بلون. الليل

الهم متلضم سبح

وصبري فاض بالكيل

الكل عاشق الدنيا

وعد الخطى بالميل

تبات وأملك ضحى

تصبح تلاقية ليل

يادنيا كفاية بقى

شقاكي صبح وليل

هلكنا فيكي الشقى

بنجري نسابق خيل

يادنيا لية الأسى

بتزيدي جيل ورا جيل

بنينا جدار الوفا

جدارنا جرفة السيل

بموج الخداع إنجرف

فى بحر اسمة الويل

طول عمر طبعك كدا

ولا انا فكري عويل

بيقصف شباب الصبا

وهمك عمره طويل

مهما تعقد فية

قوليلي مين هيشيل

سوقك كله معارف

مافيهوش حد غريب

ويفيد بأية صبرك

مادام المرض دا قريب

بالصبر ياما داوينا

وسبب المشيب دا قريب

بقلمي

نبيل عبد الحليم

١٢/٥/٢٠٢٢

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: